狗狗豆腐者哩+ 抹茶大菜糕

狗狗豆腐者哩

材料 : 大菜糕 / 水 / 豆腐

其實我每次整親甜品Nobita都好開心咁望住我地食, 但人既野佢又唔食得所以我諗住我都做布甸比佢食啦!

但係又有糖又魚膠都唔知佢食唔食得，所以我就用左大菜來代替魚膠，好簡單，下次我整南瓜餐佢就有南瓜o者o里啦!哈哈.

________________________________________________________________

因為我好耐無煮過大菜糕，所以唔知咁小分量要幾多......所以重手左，做左比Nobita之後既大菜我就放左冰糖加抹茶粉......好快一個鐘到就食得啦 !

大家見到個面有d白色粒粒係豆腐，因為我唔小心倒左小小Nobita既豆腐入去所以有小小豆腐....但係好好味. 我同Cato好快就食晒....下次再煮過...因為好容易.