2007年12月25日 星期二
2007年12月11日 星期二
大鬧愉景灣
Nobita :又話嘉嘉同蘆蘆入來搵我?佢地去左邊丫?
Nobita媽 : 佢地未到咁我地去M記食住等啦!
因為Nobita係度只可以坐戶外而且M記好多人....所以我地要等位..
Nobita乖乖....呢d叫等住食.....
其實係等位其間有段小插曲令到Nobita勁唔開心.......因為愉景灣真係好多人帶狗一齊去食野，咁有兩隻松鼠跑來Nobita身邊 ....(身為Nobita主人我知自己隻狗既性格比較熱情，所以我盡量都唔比佢接觸其他狗)........當有位坐既時候，我見到個兩隻松鼠跟佢主人係M記跑出來....自律既人都唔會帶狗入去室內.....其中一隻突然跑去咬Nobita另一隻就幫拖跑來.....左右兩邊咬頸....(當時Nobita的狗繩另到佢走唔到......我放左Nobita後再捉返自己隻狗抱起佢時我自己兩邊手都被咬.....當時個個見到仲以為係Nobita 打交....)兩隻松鼠主人叫返佢兩隻狗返去時，仲比雪糕兩隻松鼠食......當時我好嬲.......但我有另一個朋友問我" 佢地做咩會咁?我忙於答佢就算無去話佢主人......佢兩隻松鼠打完交你仲獎勵佢地食雪糕.........
其實椅子是人坐我就叫Nobita坐返係地下......點之Nobita一跳落去，兩隻松鼠又跑來似想咬Nobita...我就一手捉住Nobita既工人褲抱返上張椅子度...........佢主人先話 " 唉!!走啦走啦 "
當時既我好無奈，Nobita又吠又郁好大力，我跟本一個控制唔到......
兩隻松鼠既主人明知佢兩隻狗會凶狗同咬狗就應該拖住...........好在兩隻都係細狗同埋Nobita頸勁多毛無咩表面傷痕，但今朝我見到Nobita頸位置有條血痕,好在係表面少少損......無事就算啦!!!!而我左右手好在我穿長袖衫所以無事,只是咬瘀左......
Nobita : 我自己都有一個位丫.......
Nobita媽 : 今日就可以啦!!下次唔可以啦!
嘉嘉同蘆蘆入左來我地去影下相先啦!!!!
嘉嘉: Nobita等你丫.......快D啦!
Nobita : 我心情唔好唔想做動作，你地自己影飽佢啦!
Nobita : 都話唔影~~~~
嘉嘉同蘆蘆 : 又唔係我地咬你，我地未到丫嗎?我地來到都唔會比其他狗蝦你啦~唔好唔開心啦!一齊啦!
Nobita : 好啦!
__________________________________________________
返到屋企其實人同狗都有芝士蛋糕食，但我諗佢地無影相啦!
我地係日式火鍋，仲有另其他野食，有牛肉但又係無影到相
佢地食好少野，個個好快唔食啦! 我家還有足夠我和Cato一星期鍋食物。
大合照。
斯文Nobita慢慢吃麵包
Nobita知道我地買左麵包就坐係近麵包位置等候，但之前佢又突然係廳度做晒動作又 “ ng ng “聲………大家估下佢求咩? 原來佢自己話要著衫仔喎!!!!咁爸爸就叫佢自己揀咬一件比佢啦!!! 佢就揀左呢件之後都未著好就又跑返去等佢既麵包!
幾搞笑，未穿好就走去等麵包
係唔係好可愛呢? 點解咁乖……因為我有麵包囉!!
呢樣野一定要讚Nobita好乖~~~我會將麵包放係佢口前面叫佢 “ 等丫未得丫 “ 佢就會自己令轉個頭唔好掂到我叫佢等既物件……..我無教佢…係佢自己覺得等緊時唔可以掂到麵包
以下短片，我百看不厭，真的是很可愛。
2007年12月4日 星期二
Nobita自己既床仔
第二日我係龐套返佢張床比佢時，佢好開心跳起攬往自己張床仔……哈哈哈~~~咁我放底佢就一直係上面坐,好似好掛往張床咁樣
由此Click入Nobita's Blog
2007年11月23日 星期五
Canon 會展
今日係星期五當然要出街街啦~~~Cato約埋佢既同事去會展睇Canon….我其實我鐘意影相但唔係話要好專業個d啦!!所以我一直都無諗住要單鏡機….但係Cato 好似想買來玩喎!!!!
去到會場我就見到好多男人~~聽到身邊既人講既話題都係有關攝影~~~~~而我呢就好自我陶醉亞儀用今日發現我部手機影廣角相…..好好玩咁…..
大家睇唔睇到邊一邊係實物?邊一邊係相片?
答案係 : 好似左邊係實物 右邊係相片
呢個係Canon想介紹佢既高清產品，但係我比較欣賞佢地既溜冰技術
係呢個3D影院都係睇溜冰表演好正……..但係個個睇完都係話個頭好暈~~~仲係要暈好耐……我返到屋企都係有小小暈
我就行來行去啦~~~因為我既興趣唔係好大丫嗎…..跟住有講座教人點影動物技巧，咁我就行埋去聽……..原來Popcorn媽都在場我都唔知係我走左之後Popcorn媽打比我先知…….(Cato 因為要留意佢既同事行左去邊所以佢周圍望~~嘻)
之後Cato既同事就有收獲…..我地行完就走啦!!!!
去左Suzuki Café食晚餐…….. (我係Suzuki丫你記唔記得我丫ß-廣告內容)
我第一眼見到我個晚餐有小小唔開心，我以為個意粉係綠色再加幾粒麵包唔好食……..點之原來個幾粒係魚子個味都 OK~~~~” 芥末飛魚子意粉 “ + “ 蜜糖牛奶抹茶 “ 
Sony Ericsson W910i 手機拍攝一番
請注意上兩圖:
大家知道是什麼相片呢!?
就是超廣角相片
呵呵 my手機有這個合拼相片的功能
很有趣
多麼有感覺的相片, 滿迷人的
(鳴謝: 阿儀好同事幫我拍下美麗一圖)
雜誌封面CHIQUE
希望會有人購買吧...汗－－”
偷拍的一照.....
但本人滿喜歡的 哈哈
2007年11月11日 星期日
垃圾Nobita~~龍鼓灘BBQ
我地係東涌食左野先出發.........因為今日去BBQ所以唔沖涼住啦!!!但係成隻垃圾咁.......
我地一早就去到龍鼓灘 "劉星花園" 等BBQ啦!!!!!! 我D朋友仔仲未來到?
朋友仔來到真係好開心.....
每隻狗一個位~~~~~~~~~
大家睇睇Nobita隻腳~~~~~~離晒譜咁樣吊住都得....
被罵~~~~~~~~~~
2007年10月28日 星期日
浪澄灣份售樓書有 Nobita 份
浪澄灣份售樓書有 Nobita 份
早前Nobita接左份 freelance，今日Cato專程去浪澄灣睇樓，我地去到九龍塘搵睇樓車時有一個地產Agent問我地係唔係睇樓?就係咁跟佢入去........
第一張相既Nobita真係活躍跳下跳下.....仲有另一隻佢好肥好可愛...
呢張Nobita就真係Pro佢同個女模跑完又跑，來來回回好多次...Nobita亦好似知自己做緊咩......導演話再來一次丫...Nobita就自己行返轉頭...其實我地唔係度佢都影到呢輯相。
_____________________________________________
咁我地都來到當然睇下樓啦!!! 其實都係鐘意住返愉景灣但係都來到咪睇下....仲有就係個agent唔同個D好煩既人........
我地坐車到左浪澄灣啦!!!
都幾多人.....所以我地係要排左一陣隊先上到去睇....
咁個度示範單位唔準影相所以無影到，同埋而家只有細單位出售...跟住好戲在後頭.......睇完樓佢介紹度會所 (講真我無咩興趣..都來到睇埋啦!)
唔係丫......瑜珈室........
個兒童王國我真係好鐘意.......勁靚勁大地方
呢間唔係示範單位,係會所入面既卡拉ok房有好幾間....
Band房都有......仲要係有埋錄音室......(Cato話得喎咁佢地可以來我度夾Band) 因為係偷影所以我無開閃光燈
藍球場.....打羽毛球都得
泳池當然有室外同室內啦!都唔細喎!
仲有好多地方...但係我偷影唔到........佢仲話有私人碼頭......可以泊遊艇......呵呵~~我地無......所以呢一點對我來說唔吸引但係下次釣墨魚可以去屋企樓下接我丫........
原本都無打算買樓住........但係爸爸話為左Nobita要送一層樓比佢喎!!!
係咪真? 好丫送比佢咪即係送比我?
